Avanzan os traballos na travesía de Sísamo ao tempo que se tramita a continuación da obra ata o núcleo do Outeiro

O alcalde, Evencio Ferrero, e o concelleiro de Obras e Servizos, Luis Lamas, achegáronse ata a avenida das Flores, onde se traballa nestes momentos                                                                      

O alcalde de Carballo, Evencio Ferrero, e o concelleiro de Obras e Servizos, Luis Lamas, achegáronse ata a avenida das Flores para interesarse polo desenvolvemento das obras da segunda fase da travesía de Sísamo.

Dada a lonxitude do treito de vía incluído no proxecto de reurbanización, que supera os 500 metros, a empresa adxudicataria, Construcciones Cernadas S.L., en coordinación coa Policía Local e cos servizos de transporte escolar afectados, estableceron un plan de actuación encamiñado a facilitar a accesibilidade durante a execución dos traballos. Con ese obxectivo, a obra dividiuse en tres treitos, e nestes momentos estase a actuar no primeiro, comprendido entre as rúas Papoula e Orquídea.

Os labores nese treito avanzan segundo o previsto, polo que, salvo complicacións, a rúa quedaría aberto antes do Nadal e empezaríase a actuar no seguinte, entre as rúas Flor do Toxo e Xuncos. Agora mesmo están cortados os accesos dende a Avenida das Flores cara as rúas Rosas e Hortensias, ás que poderá accederse a través das rúas Begonias e Violetas, respectivamente.

As obras, financiadas pola Deputación da Coruña con 629.059,94 euros, inclúen a renovación de todos os servizos urbanísticos e a mellora da accesibilidade mediante a dotación de plataforma única.

Ao mesmo tempo que se executa esta segunda fase, que ten un prazo de 12 meses, o goberno municipal tramita a continuación da obra ata Sísamo. O Concello de Carballo xa presentou o proxecto da terceira e última fase da travesía, que ten un orzamento de 1.749.910,47 euros, para que poida ser incluído nos orzamentos provinciais do ano que vén.

Comparte:

Deja una respuesta

Tu dirección de correo electrónico no será publicada. Los campos obligatorios están marcados con *

diez − 9 =

Este sitio usa Akismet para reducir el spam. Aprende cómo se procesan los datos de tus comentarios.