EU esixe “responsabilidades políticas” á Xunta pola “nefasta xestión da crise do coronavirus nas residencias de maiores” logo do positivo na residencia de Patos

O pasado 5 de Abril a Xunta de Galicia decidiu trasladar á Residencia de Tempo Libre de Patos (Nigrán) a unha vintena maiores a priori sans, procedentes das residencias de DomusVI en Barreiro (Vigo) e Aldán (Cangas) ao tempo que concentraba a aquelas persoas que tiñan dado positivo nestes centros

O positivo por coronavirus dun residente no centro de Patos coñecido hoxe, evidencia a imprudencia de mover repetidamente ás persoas maiores sen seguridade de que o traslado fose frear a expansión do virus” declaran dende a formación galega.

“En troques de extremar as medidas de illamento de todas as persoas maiores e dependentes que viven nas residencias, intervindo as residencias privadas e dotando de medios humanos e materiais suficientes, a Xunta de Galicia embarcouse nunha campaña publicitaria que non serviu para protexer a saúde das persoas máis vulnerables nin a das traballadoras”.

“Desde o inicio da crise sanitaria a Consellería de Políticas Sociais foi incapaz de xestionar a situación, non atendendo nin tan sequera a situacións dos centros públicos dependentes da administración autonómica, polo que ante a gravidade da situación, Esquerda Unida demanda explicacións públicas e asunción de responsabilidades por parte da Xunta de Galicia”.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.