Tres persoas feridas en accidentes rexistrados en Castro Caldelas, Mondariz e Santa Comba

Unha persoa resultou ferida na madrugada de hoxe despois que o vehículo no que viaxaba saíuse da vía mentres circulaba pola AC-546, á altura do punto quilométrico 14,700

Foi necesaria a intervención dos Bombeiros de Santa Comba para liberar á persoa do interior do turismo. Unha vez excarcerado, o ferido foi evacuado ao Complexo Hospitalario Universitario de Santiago polos profesionais sanitarios.

O accidente tivo lugar ás 02:45 horas da madrugada de hoxe. A esa hora, os xestores do 112 Galicia recibían o aviso dunha saída de vía no concello coruñés de Santa Comba onde, probablemente, había unha persoa atrapada.

De inmediato, desde o Centro Integrado de Atención ás Emerxencias (CIAE 112 Galicia) solicitouse a intervención dos Bombeiros de Santa Comba e dos axentes da Garda Civil de Tráfico.

Ata o lugar dos feitos acudiron os profesionais de Urxencias Sanitarias de Galicia-061 e ademais, solicitouse a colaboración do persoal do servizo de mantemento da vía. Desde o 112 Galicia tamén pasouse aviso aos voluntarios de Protección Civil da localidade por se fose necesaria a súa colaboración.

Saída de vía en Mondariz

No concello pontevedrés de Mondariz, outra saída de vía rematou cunha persoa ferida na mañá de hoxe. Desta vez, ás 08:00 horas da mañá de hoxe, varios particulares chamaron ao 112 Galicia para solicitar axuda para os ocupantes dun vehículo que envorcou na PO-262, á altura da parroquia de Vilasabroso.

Segundo a información facilitada aos xestores do 112 polas testemuñas do accidente, o turismo precipitouse por un terraplén de aproximadamente 2 metros de altura.

Axiña, desde o CIAE púxose a situación en coñecemento dos servizos sanitarios, dos Bombeiros do Baixo Miño e dos membros do GES-SPEIS Ponteareas e de Protección Civil de Oitavén-Tea.

Unha vez no lugar do suceso, os servizos de emerxencia confirmaron que os ocupantes do turismo atopábanse liberados e accesibles e un deles foi trasladado ao PAC.

Para garantir as condicións de seguridade na vía, desde o 112 Galicia solicitouse a intervención dos axentes da Garda Civil de Tráfico e da Policía Local.

Colisión entre dous vehículos en Castro Caldelas

Por outra banda, unha persoa foi evacuada ao centro hospitalario de referencia tras colidir o vehículo que conducía contra un camión no concello ourensán de Castro Caldelas.

Ás 21:00 horas de onte, unha persoa particular contactou co 112 Galicia para informar dunha persoa ferida tras un accidente entre un turismo e un vehículo de transporte á altura da parroquia de Sas de Penelas.

Decontado, desde o CIAE solicitouse a intervención dos profesionais de Urxencias Sanitarias de Galicia-061, dos membros do GES de Castro Caldelas, dos axentes da Garda Civil de Tráfico e tamén aos voluntarios de Protección Civil da localidade.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.