Carta resposta de NOS GALEGUISTAS ao chamamento de onte do Partido Galeguista

PARTIDO GALEGUISTA (P.G.)

A Att:  Xesús Manuel Suárez (Presidente), Francisco López “Chesqui” (Secretario Xeral)

NOS GALEGUISTAS  ven de recibir o voso chamamento. Concordamos na imperiosa necesidade de por en marcha un proceso de unidade a prol da Matria, co obxectivo común de construír a medio prazo unha alternativa política e ideolóxica anovadora e cidadán que conlevaría, a xeito de presentación política, social e económica, a participación nas vindeiras Eleccións de Xullo 2020.

Concebimos esa unidade política como expresión dun movemento cívico inclusivo e integrador, ferramenta proactiva de expresión sociopolítica transversal e de Concordia, descentralizada e abertamente participativa nos procesos de unidade de acción a prol dos intereses da Identidade Galega, da máxima expresión do seu autogoberno, con capacidade e responsabilidade de interlocución alternativa diante da sociedade Galega e dos movementos a prol da unidade, aberta a incorporacións procedentes da cidadanía, o municipallismo, a empresa, autónom@s, axentes sociais, culturais, deportivos, sindicais e políticos, así como todos aqueles outros que procuren a mellora da vida da cidadanía galega e da democracia.

Unha forza para governar e construir un proxecto Constitucional Galego de Estado, descentralizador e vertebrado sobre alicerces de recoñecemento e  autonomía das Rexións, actuais e asociadas no futuro, que atope na diversidade o estímulo ceive do traballo en común nunha Galicia soberán.

Unha opción que naza a favor dos intereses da Galicia Territorial e das Galizas espalladas polo mundo e d@s Galeg@s, en ningún momento concebida como ferramenta para ir a priori na contra ou a favor de ningunha outra formación política.

A alternativa que defenda a recuperación da xestión, dominio e protección dos recursos naturais e estratéxicos; que teña verdadeiras competencias para decidir sobre o tráfico económico e empresarial e o patrimonio material e inmaterial da nación, arbitrando medidas que redunden en beneficio público e da cidadanía, na procura de que toda a actividade que teña, directa ou indirectamente, impacto económico ou afecte o noso PIB teña unha xusta repercusión compensatoria directa nas arcas públicas Galegas e que habilite recursos abondo para que a cidadanía, os Profesionais, as PYMES, @s Autónom@s e as empresas e Cooperativas con domicilio fiscal no País podan convivir coa Globalización mediante unha Glocalización proactiva e sostible.

Un NÓS verdadeiramente colectivo que nos identifique como axentes proactivos e representativos da Identidade Galega, recoñecida universal e internacionalmente, e en beneficio da sociedade e dunha Galicia sostíbel, capaz de dotar ao patrimonio inmaterial e material, que conforma a Identidade Emocional Galega, de ferramentas e canles participativos nos eidos políticos, sociais,  económicos, sen renuncia algunha a calquera outro que os tempos ou a Legalidade Europea e Internacional poñan o noso dispor.

Arestora non queremos máis pero non pasamos por menos; temos que facer, entre tod@s, rexurdir a autoestima para reverter a situación. ¡Acabouse!, é tempo de por fin a xeira na que tanto a cidadanía como os Concellos e Rexións pedían esmola, tempos nos que nin éticamente nin na praxe os dereitos gardaban relación proporcional cos deberes.

Comparte:

Deja una respuesta

Tu dirección de correo electrónico no será publicada. Los campos obligatorios están marcados con *

dos × cinco =

Este sitio usa Akismet para reducir el spam. Aprende cómo se procesan los datos de tus comentarios.