Daniel Vega: “É de xustiza que se permita a mobilidade entre as comunidades de Galicia e Asturias”

O voceiro do Grupo Municipal do Partido Popular de Ribadeo, Daniel Vega, asegura que “é de xustiza que se permita a mobilidade entre as comunidades de Galicia e Asturias”.

Vega cre que “é razoable que na fase 2 na que entrarán ambas comunidades o vindeiro luns se permita a mobilidade entre elas” porque, en ambos casos, teñen realizado un traballo responsable ante a crise do coronavirus e así o demostran os seus indicadores”. Polo tanto, “é hora de que o Goberno actúe”, incide.

Tendo en conta que “existe unha gran relación entre ambas comunidades e, especialmente, entre Ribadeo e todo o occidente asturiano; é moi importante a comunicación entre ambas comunidades” que contribuiría tamén á reactivación do tecido económico ribadense. Hai que ter en conta que “as vendas do comercio local dirixidas ao occidente asturiano representan o 60% do seu volume total”.

O popular sinala que o presidente da Xunta xa fixo esta “sensata reivindicación” hai máis de quince días e dende o Grupo Municipal Popular de Ribadeo “apoiamos esta petición dirixida ao mando único que, durante o estado de alarma, é o Goberno central”, explica Vega. Así mesmo, defende que “a reivindicación de Ribadeo tiña que partir dende a corporación municipal en forma de acordo consensuada con tódolos grupos”.

Con todo, Daniel Vega asegura que “apoiaremos todas as peticións para que, máis rápido que tarde, sexa unha realidade que se permita a mobilidade entre as dúas comunidades” porque “sería moi positivo para Ribadeo”.

  • O popular sinala a relación entre ambas comunidades así coma a importancia que ten o occidente asturianos no tecido económico ribadense representando “o 60% das vendas do comercio local”
  • Vega recorda que o presidente da Xunta xa fixo esta “sensata reivindicación” hai máis de quince días dirixíndose o mando único que durante o estado de alarma é o Goberno central
  • O Grupo Municipal do PP defende que “a reivindicación dende Ribadeo debería partir da corporación municipal no seu conxunto” e manifestan o seu apoio á petición porque “sería moi positivo para Ribadeo”

Comparte:

Deja una respuesta

Tu dirección de correo electrónico no será publicada. Los campos obligatorios están marcados con *

cinco − 3 =

Este sitio usa Akismet para reducir el spam. Aprende cómo se procesan los datos de tus comentarios.