Máis de 400 familias foron atendidas polo servizo de impresión e demanda en Lugo

Felipe Rivas agradeceu a implicación do persoal municipal que traballou na entrega e distribución do material

O servizo de impresión a demanda que puxo en marcha a Concellería de Educación recibiu en mes e medio un millar de correos de familias lucenses, entregándose neste período máis de 26.000 páxinas a 400 familias. Segundo indicou o concelleiro de Educación, Felipe Rivas, “nestes días atendemos a familias sen recursos que doutra maneira non poderían continuar coas tarefas desde a casa”. Felipe Rivas agradeceu a implicación do persoal municipal, que colaborou na entrega e distribución do material impreso.

“Puxemos en marcha este servizo para que todas as escolares e estudantes de Lugo continúen a ter acceso aos documentos que sexan imprescindibles para continuar coa actividade lectiva, cubrindo desde o Concello un oco que a Xunta de Galiza deixou aberto”, declarou o edil de educación, que ratificou o compromiso da concellería de Educación para “colaborar coa Xunta de Galiza para que todas as escolares de Lugo poidan ter acceso ás ferramentas e arquivos necesarios para traballar na recta final do curso escolar”.

“A Xunta de Galiza é quen ten as competencias en educación”, lembrou Felipe Rivas, que engadiu “de cara ao novo curso, deben ter preparados protocolos para que profesorado e estudantado teñan acceso aos recursos e ás ferramentas necesarias para continuar coa actividade lectiva en caso de novos paróns”. “Desde a concellería de Educación tendemos a man para colaborar, mais non podemos asumir competencias que non nos son propias”, sentenciou Felipe Rivas.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.