O BNG pregúntalle ao Goberno local “cando pensa cumprir o seu compromiso coa veciñanza afectada polo Parque Ofimático”

A cuestión vaina formular Avia Veira no pleno do próximo 14M

A concelleira do BNG Avia Veira vaille dirixir unha pregunta oral ao Goberno Local no próximo pleno do xoves 14 de maio en relación á procura dunha solución para a veciñanza afectada polo Parque Ofimático.

No Acordo de Mandato asinado polo BNG e o PSOE en xuño de 2019, documento que fixo viábel a investidura de Inés Rey, o grupo municipal socialista comprometíase a resolver este problema ou ben a través da desafectación das vivendas ou por medio dunha solución urbanística alternativa sempre e cando fose consensuada coa veciñanza.

«Este é un dos puntos que compuña o acordo de mandato asinado hai case un ano. Esiximos que se cumpra. Os meses pasan e non se está a executar o acordado. A veciñanza do lugar merece unha solución e nós temos a obriga de demandar que o Goberno Local respecte os seus compromisos», afirma Avia Veira.

Foto: Cadena SER Coruña

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.