O bus urbano da Coruña retomará a parada en Santa Cristina a partir do 15 de xuño

Igual que o pasado verán, a liña de bus urbano 1-A da Coruña vai estender o seu percorrido ata Santa Cristina desde o 15 de xuño ata o 15 de setembro. As frecuencias oscilarán entre os 15 e os 20 minutos en ambos sentidos

De luns a venres, o primeiro bus sairá ás 6:30 horas do Abente y Lago e o último ás 23:00 horas. Os sábados haberá buses desde A Coruña de 6:30 a 22:50 horas. Os domingos o servizo irá desde as 7:25 ata 23:00 horas. Desde Santa Cristina, de luns a venres, haberá buses desde as 7:00 ata as 22:55 horas. Os sábados os horarios serán de 6:55 ata 22:09 horas. Os domingos e festivos de 7:50 a 22:46 horas.

“Pretendemos que este autobús non só preste servizo do 15 de xuño ao 15 de setembro, senón que chegue a Oleiros durante todo o ano. Nesa batalla estamos inmersos pero a Xunta, polo momento, non atendeu as nosas demandas”, dixo o alcalde Ángel García Seoane.

O Concello de Oleiros propuxo en 2018 a creación deste servizo de transporte público para mellorar a mobilidade nas estradas da comarca, evitar problemas de aparcamento e reducir o uso do vehículo privado.

Comparte:

Deja una respuesta

Tu dirección de correo electrónico no será publicada. Los campos obligatorios están marcados con *

once + 11 =

Este sitio usa Akismet para reducir el spam. Aprende cómo se procesan los datos de tus comentarios.