Seis proxectos propostos para adxudicación en Ferrol

A rehabilitación de envolventes das rúas Betanzos e Ares, en Recimil, o amaño das pluviais da praza de España, o aglomerado da avenida do Mar, o aparcamento disuasorio do CHUF e a renovación de marquesiñas están a un só trámite de ser resoltos

A Mesa de Contratación Permanente do Concello de Ferrol tratou entre onte e hoxe, en reunión telemática, seis proxectos que se atopan nas últimas fases para a súa resolución. Entre todos suman un importe de 2.473.927,58 euros. O goberno local quere axilizar estas actuacións para que, ademais de responder ás necesidades urbanísticas da cidade, sirvan para contribuír á dinamización da economía local neste período de crise.

A máis cuantiosa é a rehabilitación da envolvente do edificio 1-8 da rúa Betanzos, en Recimil, por 1.465.980,85 euros. Na mesa de contratación acordouse unha proposta de adxudicación, que unicamente está á espera de que a empresa sobre a que recaeu a execución aporte ao Concello documentación. Nesa mesma situación xa se atopan a construción do aparcamento disuasorio do Complexo Hospitalario Universitario de Ferrol (245.140,00 euros) e a reparación da avenida do Mar (200.983,13).

A rehabilitación da envolvente do inmoble situado nos números 1-2 da rúa Ares (294.816,74), tamén en Recimil, e a renovación de pluviais entre os números 23 e 28 da praza de España (147.619,85) tamén contan con sendas propostas de adxudicación, pero neste caso condicionadas a que as empresas xustifiquen que non están a incorrer en baixas temerarias.

O sexto dos expedientes que abordou a Mesa de Contratación Permanente, a reparación e reposición de 51 marquesiñas de autobuses en todo o termo municipal, tamén está próximo á resolución. A empresa que obtivo a adxudicación provisional debe subsanar un erro material na documentación. Este proxecto conta cun orzamento base de licitación de 144.458,28 euros.

Comparte:

Deja una respuesta

Tu dirección de correo electrónico no será publicada. Los campos obligatorios están marcados con *

10 − tres =

Este sitio usa Akismet para reducir el spam. Aprende cómo se procesan los datos de tus comentarios.