Un ferido ao volcar o seu vehículo na estrada de San Mateo en Narón

Os bombeiros do Speis de Narón tiveron que intervir nun accidente de tráfico rexistrado esta mañá á altura do quilómetro 2 da AC-116, a estrada de San Mateo, por unha saída de vía tras recibir unha alerta do 112 sobre un vehículo lixeiro que se atopa volcado lateralmente e fóra da estrada

Unha vez no punto os profesionais do Speis sinalizan a zona e estabilizan o vehículo para realizar a primeira valoración interior dunha persoa atrapada, que estaba consciente e estable que teñen que extraer practicando maniobras de liberación. Ante a situación decídese extraela pola parte posterior do turismo e realízanse os traballos precisos para xerar espazo no interior do vehículo e sacar á persoa inmovilizada para trasladala a unha ambulancia medicalizada que requeriu o Speis ante ese accidente para levala a un centro hospitalario.

Dende o Speis explicaron que ao tratarse dun vehículo híbrido foi preciso en primeira instancia desenerxizalo e aseguralo para evitar riscos eléctricos.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.