Lugo aprobará a contratación do repintado da sinalización horizontal

Rubén Arroxo: “O pintado realizarase aplicando as últimas modificacións da ordenanza de circulación, polo que se instalarán avanzabicis e se eliminarán zonas nas que se podían producir resbalóns”

O Tenente de Alcalde, Rubén Arroxo, informou que a Xunta de Goberno que se celebrará mañá aprobará a proposta da Mesa de Contratación para realizar o pintado da sinalización horizontal da cidade. Arroxo lembrou que “esta actuación debía estarse realizando xa, mais debido á crise sanitaria e magnitude e complexidade da mesma, non se puido rematar o proceso até o de agora”.

Rubén Arroxo lembrou que contratación deste pintado se dividiu en catro lotes “para que toda a cidade fose avanzando de maneira uniforme”. O Tenente de Alcalde informou que, en total, a área de Mobilidade e Infraestruturas investirá 505.306,50€, cun prazo total de 4 meses..

Rubén Arroxo informou que se levarán a cabo as modificacións no pintado “que xa se están a realizar actualmente coa adaptación do novo plan de tráfico do barrio da Milagrosa”. Nos pasos de peóns elimínase unha das liñas para evitar resbalóns de motos e bicicletas, ademais, os pasos regulados por semáforo pasarán a ter pintado só o contorno do mediante dúas liñas discontínuas nos seus límites.

“Adaptarase tamén o pintado das prazas para persoas con mobilidade reducida, agrandándoas e reducindo a superficie a pintar para evitar resbalóns, e mellorarase a sinalización en zonas de coexistencia de tráfico e estacionamento”, informou Rubén Arroxo, que engadiu “todas estas modificacións tratan de dar resposta ás solicitudes da veciñanza e adaptar a sinalización das vías aos avances na mobilidade, seguindo o exemplo de outras cidades”.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.