Marín mantén as súas bandeiras, sendeiros e centros azuis

Portocelo, Mogor, Aguete, Loira, O Santo e A Coviña ondearán a tea azul, e a Rede de Sendeiros Azuis segue mantendo tramos da Ruta das Praias, Ruta dos Cinco Miradoiros e de Montes e Praias. Ateneo Santa Cecilia e o CIP de Mogor, repiten como sendeiros

A Asociación de Educación Ambiental y del Consumidor (ADEAC) fixo pública esta mañá a relación de praias que conseguen ou manteñen a súa Bandeira Azul, así como a listaxe de sendeiros e de centros azuis.

No que respecta a Marín, todas as praias que contaban con este distintivo de calidade medio ambiental volven recibilo, garantindo así que seguen aportando servizos e atractivos imprescindibles nun areal: Portocelo, Mogor, Aguete, Loira, O Santo e A Coviña.

O sendeirismo do noso municipio segue tamén sendo valorado como “azul” pola ADEAC, en diversos tramos de tres dos nosos roteiros: Ruta das Praias, Ruta dos Cinco Miradoiros e a Ruta de Montes e Praias.

Finalmente, o Centro de Interpretación de Petróglifos de Mogor e o Ateneo Santa Cecilia manteñen a súa certificación de Centro Azul.

O Goberno local considera que é “unha moi boa noticia para o noso turismo e a nosa natureza renovar estes distintivos, para o cal se traballa todo o ano no mantemento e na boa saúde dos espazos naturais da nosa vila”.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.