Reanúdanse os traballos de investigación sobre a Casa Cornide

A empresa encargada de realizar o estudo do inmoble levou a cabo este pasado sábado un rexistro fotogramétrico nel de cara á solicitude como Ben de Interese Cultural (BIC)

A empresa Tomos, encargada de realizar o estudo e o pertinente expediente de cara a conseguir a declaración da Casa Cornide como Ben de Interese Cultural (BIC), realizou este sábado un rexistro fotogramétrico do inmoble, para o que utilizaron un elevador. A investigación estivo encabezada polo historiador de arte da Universidade, Vigo Trasancos, que é o responsable de elaborar o informe sobre a construción co fin de solicitar esta distinción a Patrimonio.

Este labor programado con anterioridade, pero que se tivo que suspender polo estado de alarma, supón a reanudación do traballo das diferentes comisións co fin de cumprir os obxectivos marcados na última reunión do Consello da Memoria Democrática. As primeiras conclusións do experto apuntan a que a Casa Cornide debería estar xa declarada BIC e con esa finalidade, está realizando un estudo desde novembro en que ditaminará os valores artísticos que fan que esta estrutura sexa única.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.