Antón Gómez Reino conecta coa Galicia exterior nas Conversas co candidato

O encontro emítese en directo este xoves 9 as 22:00 horas na canle de YouTube e nas redes sociais do candidato como peche ao ciclo de Conversas con Antón

O candidato de Galicia en Común-Anova Mareas á Presidencia da Xunta, Antón Gómez Reino, conectará mañá xoves 9 ás 22:00 horas coa Galicia exterior dentro do ciclo de encontros virtuais, en aberto e sen filtros Conversas con Antón.

Será nunha xuntanza telemática referenciada na comunidade galega en Arxentina, a mais numerosa e senlleira entre as que se contan Xeito Novo, Betanzos y Centro Cultural Campustellae, pero pensada para todas as galegas e os galegos que residen lonxe da terra e que nos queiran trasladar as súas consideracións e inquedanzas sobre as dificultades de participar no proceso electoral, as preguntas sobre as nosas propostas e programa, as curiosidades e comparacións entre formas de vida e sistemas e afondar nun mellor coñecemento do candidato.

Esta conversa nas redes forma parte do ciclo Conversas con Antón, con #FalaConAntón, que vimos emitindo cada noite as 22:00 en directo a través da nosa canle de YouTube Galicia en Común-Anova Mareas e nas redes sociais do candidato https://www.facebook.com/AGomezReino.

Antón Gómez Reino estará novamente esta noite, mércores 8, ás 22:00 horas en directo, logo dunha intensa xornada con dous actos en Vigo na Coruña, o primeiro con Alberto Garzón e o segundo con Pablo Iglesias, para respostar ao vivo e sen cortapisas desde a súa casa da Coruña.

O ciclo de Conversas con Antón #FalaConAntón está a ser unha fórmula dinámica para levar a política, e mesmo a campaña, dun xeito ben diferente ás casa das galegas e dos galegos cada noite, con moita participación, interese e boa acollida, tal e como quedou de manifesto no encontro que mantiña onte a noite coa Ministra de Traballo e deputada de Galicia en Común, Yolanda Díaz.

Ambos conversaron de xeito distendido dos avances na protección social e o escudo despregado e prorrogado polo Goberno do Estado durante pandemia, subida do SMI, Renda Mínima Vital, protección aos traballadores do mar e outras tantas cuestións como exemplo do que pode e debe ser o futuro Goberno da Xunta con Galicia en Común dentro e que podedes ver novamente aquí: https://www.youtube.com/watch?v=Dv_inZSCXjM&t=11s

A idea desta iniciativa e desencorsetar a campaña electoral, e achegar a política ao vivo as galegas e aos galegos, que vivan onde vivan, poidan trasladar as súas propostas e consideracións ou mesmo as discrepancias, directamente ao candidato para coñecer, de primeira man, a súa opinión e ter unha resposta concreta.

De aí, que o candidato estea novamente está noite, a partires das 22:oo horas  a disposición de todas e todos cantos se queiran conectar e, tamén, xoves 9, a mesma hora, con mirada posta nos galegos e galegas do exterior, como broche final ao ciclo de Conversas con Antón antes do peche da campaña, que será o venres 10 en Compostela.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.