As candidatas populares Elena Candia e Cristina Sanz destacan o traballo social da igrexa evanxélica Buenas Noticias

A igrexa evanxélica Buenas Noticias, ubicada na rúa Emilia Pardo Bazán da capital lucense, desenvolve un amplo traballo no campo social. A cabeza de lista do PP por Lugo para as eleccións autonómicas, Elena Candia, mantivo hoxe unha conversa, por vía telemática, co pastor da citada igrexa, Marcos Zapata, e con outros representantes desta entidade. No templo, con Zapata, estiveron a tamén candidata Cristina Sanz, o senador José Manuel Barreiro e varios concelleiros, entre eles Antonio Ameijide e Óscar Poy (deputado provincial). Candia non puido desprazarse á capital dende Mondoñedo, onde reside, a causa da temporal limitación de mobilidade necesaria para controlar o rebrote dos contaxios de covid-19 na Mariña.

Zapata explicou aos representantes populares a actividade que desenvolve esta igrexa evanxélica e as moitas accións de contido puramente social que leva a cabo. Entre estas últimas, figura o reparto de alimentos a máis de 900 familias.

As candidatas populares destacaron o papel principal que teñen para o PP as políticas sociais como peza fundamental do estado de benestar. A cabeza de lista do Partido Popular por Lugo puxo en valor o traballo social que realiza a igrexa evanxélica.

Polo moi amplo local da rúa Pardo Bazán pasan cada domingo máis de 300 crentes, repartidos en varias quendas.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.