Comezan as tarefas de acondicionamento en varias rúas das Gándaras

Estase a levar a cabo o asfaltado das rúas Aguia e Bubela, xunto con varias intervencións menores na contorna

A Concellería de Infraestruturas Urbanas está a realizar o acondicionamento das rúas Aguia e Bubela no barrio das Gándaras. O concelleiro de Infraestruturas, Alexandre Penas, indicou que “nos vindeiros días comezarán a realizarse os traballos de asfaltado nas rúas Aguia e Bubela, unha solicitude que a veciñanza da contorna leva realizando moito tempo debido ao estado destas dúas rúas”.

O edil de Infraestruturas Urbanas informou tamén de que se están a realizar outras intervencións na contorna do barrio. Alexandre Penas informou de que “realizamos arranxos no firme das rúas Lavanco e Calzada das Gándaras, tanto na zona de aparcamento como o acondicionamento para novas marquesinas”. Penas informou tamén de que “paralelamente realizouse tamén a mellora da drenaxe da vía”.

O edil de Infraestruturas pediu á veciñanza da contorna “que circule con precaución nas rúas a asfaltar para garantir a seguridade tanto das persoas usuarias da vía como das traballadoras e traballadores”.

Segundo Alexandre Penas, “desde a concellería de Infraestruturas Urbanas traballamos para mellorar a calidade de vida das veciñas e veciños dos distintos barrios de Lugo”.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.