Innovación e I+D, a aposta da formación para o rural galego

A Xunta reafirma a súa aposta pola innovación e a I+D na súa oferta de formación para o rural galego

O director da Axencia Galega da Calidade Alimentaria (Agacal), Manuel Rodríguez, participou nunha reunión cos responsables da Aula de Produtos Lácteos, unha plataforma tecnolóxica mixta da Rede de Infraestruturas de Apoio á Investigación e ao Desenvolvemento Tecnolóxico (RIAIDT) da Universidade de Santiago de Compostela. Na visita, analizaron posibles vías de colaboración no eido da formación relativa ao sector lácteo, así como futuros proxectos de I+D+i relacionados cos distintos consellos reguladores do queixo en Galicia ou coas normas técnicas do Decreto de Artesanía, entre outros asuntos.

No encontro, o responsable da Agacal aproveitou para destacar o compromiso da Xunta a prol da formación, a innovación e a dixitalización no rural galego. Salientou, nesa liña, o Plan de formación para o agro 2020-2024, que contempla, entre outros obxectivos, o impulso á teleformación agroforestal continua e a aposta por intensificar e flexibilizar estas ensinanzas. A finalidade é adaptalas ás necesidades de cada un dos sectores produtivos e contribuír así á súa profesionalización.

A maiores, Manuel Rodríguez engadiu que no tocante á formación do sector lácteo se busca incidir na xestión empresarial, no marketing e nas vendas para aumentar as posibilidades de éxito dos distintos operadores do sector lácteo.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.