Vigo non cobrará a taxa de lixo aos establecementos que estiveron pechados na pandemia

Abel Caballero anunciou que os pequenos e medianos comercios que estiveron pechados durante os 90 días que durou o estado de alarma non terán que pagar o imposto de lixo. O Concello aplicará o desconto no vindeiro recibo, que non se abonará ata o 5 de outubro

O alcalde de Vigo, Abel Caballero, anunciou unha medida para axudar ao pequeno e mediano comercio a soportar a situación económica derivada da crise sanitaria pola pandemia do Covid-19. O rexedor avanzou en rolda de prensa que o Concello levará a cabo unha exención de impostos que afectará á taxa de recollida de lixos.

Así, o Concello decidiu non cobrar ese tributo aos locais que non puidesen abrir durante algún dos 99 días que durou o estado de alarma. O recibo que lles chegará en menos dun mes -e que se pode abonar ata o 5 de outubro- xa recollerá o cálculo correspondente e o importe que aparecerá será unicamente a parte proporcional que deberán pagar, sen eses 99 días.

Abel Caballero aclarou que este beneficio fiscal será exclusivo para os negocios que se mantiveron pechados durante o estado de alarma e especificou que a medida favorecerá principalmente a “pequenos e medianos comercios, autónomos, cafeterías, bares e restaurantes”. O rexedor olívico lembrou que o Concello aínda non cobrou ningún imposto desde que comezou a pandemia ao pospoñer a súa cobranza ata en tres ocasiones.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.