Vixésima entrega de material de protección contra o coronavirus aos centros asistenciais de Lugo

Nesta ocasión distribúe 79.400 unidades entre 80 residencias e institucións similares situadas en 38 concellos da provincia

A Xunta de Galicia está a realizar estes días unha nova achega de material preventivo contra a Covid-19 ás residencias e centros asistenciais da provincia de Lugo, e alcanza xa a vixésima entrega dende o inicio da crise sanitaria.

Nos sucesivos repartos, a Xunta subministrou equipos de protección a todas as residencias, centros de día, vivendas e apartamentos tutelados e institucións similares situadas na provincia que figuran dados de alta no rexistro autonómico como prestadores destes servizos sociais.

En conxunto, leva facilitado preto de 1,5 millóns de unidades de protección a todos os centros de maiores, menores, discapacidade, inclusión, igualdade ou xuventude, entre outros, tanto xestionados por administracións públicas -a propia Xunta, a Deputación Provincial ou concellos-, como por  asociacións, fundacións e outras entidades sociais.

Esta nova entrega -que se realiza só unha semana despois de completar a anterior-, beneficia en concreto a 80 centros situados en 38 concellos lucenses. Nesta ocasión distribúense 79.400 unidades de protección, entre elas 39.200 guantes, 39.650 máscaras e pantallas faciais, 72 batas e mandís, e 500 garrafas de desinfectante e botes de xel hidroalcólico.

A Administración galega quere contribuír así á seguridade de traballadores e usuarios destes servizos, que son máis vulnerables ante a pandemia do coronavirus.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.