Elegant estrean o seu novo single “No hay miradas sobre ti”

Elegant dan un paso adiante no seu novo single “No hay miradas sobre ti”, unha homenaxe á vaidade, un dos trazos que abordan no seu primeiro traballo

A banda ferrolá Elegant decidiu neste ano tan atípico deixar atrás todo o coñecido para abrazar un cambio no seu estilo moito máis brutal e impactante, achegándose por momentos ás grandes bandas de rock alternativo do noso país. Cínico e contundente, “No hay miradas sobre ti”, o primeiro adianto, confírmaos como un grupo cunha personalidade irresistible.

En pouco máis de tres minutos conseguen poñer nos nosos oídos a vaidade, un dos trazos que abordan no seu primeiro álbum que verá a luz o próximo ano. A vaidade en moitas ocasións vai implícita coa mocidade. Neste caso, o pensamento  egocéntrico, a estética por encima do humano e como o paso do tempo acaba de forma inexorable con este tipo de actitudes.

A variedade instrumental e de ritmos neste tema serven para representar precisamente o polifacética que pode chegar a ser a vaidade e intégrase cunha letra na que arriscan ao non criticar a vaidade senón máis ben a describila. E é que, non pecamos todos algunha vez dela?

Biografía

Elegant é unha banda de Ferrol que aproveitaron este ano para dar un cambio a todo o concepto anteriormente coñecido, incorporando un novo músico ao teclado, cambiando a imaxe, máis sinxela, máis limpa, reflectindo a personalidade do grupo e evolucionando no seu son sen perder o ADN da banda.

En definitiva, dan unha volta, profesionalizando o proxecto para tentar facerse un oco no panorama musical, a pesar da situación tan difícil que estamos a vivir. “No hay miradas sobre ti” é o primeiro single do que será o seu primeiro LP que verá a luz en abril de 2021.

Elegant son Rodrigo Poveda, baixo e voz, Carlos Bacelo, guitarra, Christian Figueroa, batería e Fernán Permuy, teclado.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.