A Educación Social, profesión esencial no tratamento das adiccións

O Colexio de Educadoras e Educadores Sociais de Galicia (Ceesg) e a Universidade da Coruña organizan un encontro profesional para dar a coñecer experiencias e boas prácticas

Profesionais da Educación Social e outras disciplinas que teñen un papel relevante na atención e prevención de adiccións celebran un encontro mañá venres 23 de outubro na Coruña, no que se exporán diferentes experiencias que se levan a cabo en Galicia. A parte de dar a coñecer e poñer en valor estes proxectos, este espazo quere contribuír a crear ou fortalecer redes entre as entidades que traballan neste eido na nosa comunidade, reflexionar sobre posibles carencias e achegar melloras na atención á cidadanía afectada por algún tipo de adicción.

O encontro está organizado polo Colexio de Educadoras e Educadores Sociais de Galicia e pola Facultade de Ciencias da Educación da Universidade da Coruña. Participarán no acto de apertura D. Alfonso Tembrás como representante do grupo de traballo Miolo (Ceesg), o Decano da Facultade de Ciencias da Educación da Universidade da Coruña, D. Manuel Peralbo, e a Concelleira de Benestar Social, Participación e Igualdade do Concello da Coruña, Dna. Yoya Neira.

Debido ás circunstancias actuais, a gran maioría das persoas participantes farano de xeito virtual, manténdose a celebración presencial con aforo reducido e outras medidas de prevención.

Educación Social e adiccións

A Educación Social é unha profesión cun importante papel e traxectoria no ámbito das adiccións, se ben o Colexio de Educadoras e Educadores Sociais de Galicia leva tempo reclamando á Xunta de Galicia, entre outras cuestións, que normalice a súa contratación e contemple a súa categoría profesional no Sergas.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.