Desminten a un enxeñeiro contratado pola mineira de Touro que afirmaba que «a restauración dos ríos só se levaría a cabo de aprobarse un novo proxecto»

Ricardo Juncosa foi contratado pola mineira de Touro para elaborar informes favorables ao novo proxecto mineiro, o cal obtivo unha declaración de impacto ambiental negativa pola súa insostibilidade e por afectar gravemente aos recursos hídricos da zona

O colectivo Cornado Mina Non denuncia que o enxeñeiro deixou caer nos medios de comunicación que as medidas correctoras dos ríos, contaminados pola propia mineira, dependían da aprobación dun novo proxecto. En Xaneiro do 2020 en sede parlamentaria o conselleiro de Economía, Emprego e Industria, Francisco Conde, logo de darlle carpetazo ao proxecto mineiro fixo pública a obrigación da empresa concesionaria dos terreos (Explotaciones Gallegas S.L) de presentar un novo plan de restauración que “salvagarde o estado ecolóxico dos arroyos que conflúen no río Ulla”. Os veciños consideran grave que un profesor que traballa nunha universidade pública se preste a intereses empresariais mediante informacións propias das “fake news” e sen relación algunha coa obxectividade e o carácter científico que se lle deberían presupoñer polo cargo que ostenta.

Dende o colectivo veciñal afirman que a empresa mineira logo de ver denegado o seu proxecto por cuestións técnicas comezou unha campaña de comunicación que intenta suplir a inviabilidade do proxecto e a falta de aprobación social con “propaganda barata e falsidades como esta en medios de comunicación afíns”. Consideran que están sendo tratados dun xeito paternalista e pouco respectuoso por xornalistas próximos á mineira que escriben artigos repetindo dun xeito continuo os mesmos mantras: sostibilidade, respecto ambiental e progreso. A pesares de que os propios técnicos insisten en que o proxecto carece de total viabilidade, estes “magos da falacia” intentan transmitir unha serie de ideas que menosprecian a identidade e a forma de vida dos habitantes afectados e impoñer un determinado xeito de entender o progreso que prioriza o beneficio empresarial e somete o presente e futuro dunha comunidade local con potencial de sobra para conseguir proxectos que xeren empregos, respecten o medio e teñan como principal beneficiados aos veciños e non aos inversores dunha empresa que pretende transformar o mineral fóra (e polo tanto boa parte do valor engadido) e deixar unha desfeita ambiental de incalculables dimensións. Só deste xeito se pode entender que no debate sobre o futuro do municipio non estén encima da mesa cuestións como; a reconversión e restauración íntegra do espazo mineiro xerando postos de emprego; a agricultura ecolóxica e as plataformas de comercialización directa; o potencial turístico do Ulla ou outras propostas empresariais que conten con aceptación social. A cuestión é que tanto á empresa mineira como ao obediente goberno local só lle interesa unha única saída, a mesma que fixo que na actualidade Touro sufra uns niveis de contaminación ambiental inasumibles e unha parálise absoluta cara outros modelos de desenvolvementos maís aceptados socialmente.

3 comentarios

  • Ramón Mata Espiñeira

    En Touro sabemos cales son os responsábeis do estado dos nosos ríos.
    1° EXGA
    2° alcalde Codesido
    3° Xunta de Galicia
    Querer desviar a atención é disbirtuar a realidade

  • jose manuel fernandez vazquez

    Don Ricardo Juncosa explicaba nunha entrevista na COZ DE GALICIA que a contaminación da Ría de Arousa dábase por culpa das bateas e dos mexilóns. UN CRANEO PRIVILEXIADO

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.