Javier Castiñeira: «Tomé causará un grave dano a provincia de Lugo se deseña un orzamento continuista para 2021»

O grupo provincial do PP avisa ao goberno da Deputación que de cumprirse o anuncio feito polo presidente, José Tomé (PSOE), de que os orzamentos, elaborados sen participación do PP nin do tecido asociativo, do 2021 serán continuistas, pode crear un gravísimo problema á provincia, dado que será o ano da saída da crise e Lugo precisa apoio aos sectores produtivos e inversións especiais na xeración de emprego, por exemplo mediante un ambicioso plan de estradas.

O portavoz do PP, Javier Castiñeira, sinala: “Acabamos de saber polos medios de comunicación que o equipo de goberno da Deputación ten pensado presentar proximamente os orzamentos do 2021. É algo que nos congratula, porque é unha novidade que a Deputación presente os orzamentos en tempo e forma, algo que non fixo nos últimos anos; de ser así empezariamos o exercicio da recuperación económica cos orzamentos xa en vigor.  Pero, por outro lado, estamos profundamente desencantados porque se rexeitou a colaboración do Partido Popular, que é o grupo maioritario da corporación provincial, e con elo  a de gran parte dos lucenses e dos concellos para traballar sobre estes orzamentos tan importantes”.

O portavoz popular sinala: “O grave xa non é que non se chame ao PP, o grupo con más representación na corporación; o grave é que non se chama  a ninguén, nin asociacións nin outras entidades que deberan participar tamén  neste orzamentos tan importantes. Ao PSOE e ao BNG éncheselles a boca antes das eleccións e nos programas electorais falando de presupostos participativos, pero despois, cando chega a hora da verdade, deséñanos nun despacho socialistas e nacionalistas, sen buscar a colaboración de ninguén”.

Castiñeira explica: “Pero tampouco é o máis grave que no se dea participación na elaboración duns orzamentos tan importantes como son os de 2021;  o máis grave son as declaracións do presidente Tomé que di que os orzamentos do 2021 serán continuistas. O que menos necesita calquera administración é  seguir co que fixo ata agora, porque o 2021 é o ano da saída da crise.  Non se pode facer un copia-pega como fixo cos do 2020 en relación cos do 2019, que xa eran un copia-pega dos do 2018, que non os fixo este goberno e son orzamentos  de antes da crise. Necesitamos innovar, necesitamos apoiar ao  tecido económico e empresarial da provincia; precisamos transformar as estradas  para que sexan  un motor económico para todos os concellos da provincia”.

Os populares cren que “o que menos necesitamos e continuísmo orzamentario” e avisan de que “se finalmente o orzamento é continuista seremos a única administración de España que sexa orzamentariamente continuista, porque o ano 2021 é un ano extraordinario, clave, que precisa uns orzamentos extraordinarios”.

 

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.