Música, relatos ilustrados e obradoiros con Xurxo Souto e Pablo Balseiro este sábado en Labañou

Un sábado completo de cultura no coruñés barrio de Labañou

Ás 12 teremos a presentación do último libro de Xurxo Souto: Recortes poderosos- Pangalaica.

PANGALAICA

Oitenta pequenos relatos ilustrados. As historias e as persoas marabillosas que Xurxo Souto foi atopando nas súas viaxes por Galiza adiante. Petiscos cheos de humor que acaban conformando unha cosmovisión alternativa do país:

É mentira a fronteira entre o rural e o urbano. Todas somos da aldea. Vigo e mais A Coruña son a mesma cidade! Labañou e Teis son o mesmo barrio!

E ás 13:00 Pablo Balseiro, músico do barrio, daranos un concerto onde tocarán cancións do primer disco «San Roque Pá» e seguro que tamén nos adiantan algunha do novo disco.

Tamén haberá un obradoiro para a cativada, pero para que é necesaria inscripción.

«Como este ano é diferente e estamos lonxe de xente que queremos, decidimos facer un obradoiro para que a cativada elabore unha tarxeta de nadal mediante distintas técnicas de artes plásticas e reciclaxe. O obxetivo é que os participantes disfruten e ademáis recuperen así unha tradición que ultimamente caeu en desuso. O obradoiro será realizado polo Tigre de Papel».

Poderán participar nenos e nenas de idades comprendidas entre os 4 e os 12 anos.

Cada participante terá que levar a súa máscara e seguirase o protocolo anticovid necesario.

É necesario inscribirse mandando email a avvfranciscoro@gmail.com, contestaremos asignando unha quenda (serán de 15-20 minutos), as prazas son limitadas e asignaranse por orde de inscripción. Cada quendas será de 5 nenos acompañados con dous monitores.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.