O CGCEES reclama unha resposta ás súas achegas e propostas á LOMLOE

A nova lei é unha oportunidade para avanzar en educación e a educación, ou é social ou non é do século XXI

Ante as diversas informacións sobre os debates que se manteñen sobre a tramitación do Proxecto de Lei Orgánica pola que se modifica a Lei Orgánica 2/2006, do 3 de maio, de Educación (LOMLOE), Lourdes Menacho, presidenta do Consejo General de Colegios de Educadoras y Educadores Sociales (CGCEES) de España remitiu unha consulta aos deputados que forman a Comisión de Educación do Congreso para saber se tiveron en conta as achegas das educadoras e educadores sociais e a súa proposta de emenda.
Aclarar que o pasado mes de maio, o CGCEES presentou á Comisión de Educación do Congreso dos Deputados as súas propostas. A presidenta da Entidade espera compartir canto antes a resposta da Comisión de Educación do Congreso dos Deputados cos 17 Colexios que compoñen o Consello Estatal.

Unha sociedade cada vez máis complexa e diversa

Desde a Presidencia do CGCEES insístese na “importancia de dotar ao sistema educativo de profesionais coa formación adecuada e coas capacidades e competencias necesarias para afrontar as situacións e os conflitos xurdidos dunha sociedade cada vez máis complexa e diversa”.

Neste sentido, o Consello Estatal pon ao dispor da Comisión de Educación do Congreso dos Deputados, a Comisión de Educación da Entidade. Esta Comisión está formada por educadoras e educadores sociais das comunidades autónomas que xa teñen incorporada a figura profesional da Educación Social nos seus sistemas educativos.

Os resultados obtidos nestas comunidades autónomas que regularon a figura das educadoras e os educadores sociais nos seus sistemas educativos avalan a petición do CGCEES.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.