A Deputación da Coruña apoia os programas de igualdade e contra a violencia machista das entidades sociais

A deputada de Igualdade, María Muíño, destaca o traballo das asociacións para eliminar o machismo da sociedade

A área de Igualdade da Deputación da Coruña destina 300.000 euros a apoira os programas de entidades sen ánimo de lucro destinados a promover a igualdade e eliminar a violencia machista. A deputada de Igualdade, María Muíño, recoñece o papel «fundamental do tecido asociativo para construír un futuro en igualdade e concienciar á sociedade contra a violencia machista».

«Desde a área de Igualdade da Deputación da Coruña, ademais de desenvolver outros programas e iniciativas destinadas a concellos, consideramos que o traballo das entidades ten unha especial repercusión á hora de eliminar o machismo e a violencia contra as mulleres, tanto en programas de prevención, difusión ou conciliación con especial repercusión social», sinala a deputada de Igualdade, María Muíño.

As entidades poderán optar a axudas que van desde os 1.000 e 40.000 euros e o prazo de presentación de solicitudes remata o día 31 de marzo ás 14:00 horas. A porcentaxe subvencionábel do orzamento de gastos financiábeis é do 20% ao 80%.

No ámbito de inciativas de igualdade, apoiaranse programas de empoderamento e participación social, de fomento da igualdade de xénero, de emprego en igualdade de oportunidades, conciliación e responsabilidades compartidas.

En canto aos proxectos que se desevolvan dentro da loita contra a violencia machista, poderán presentarse programas de prevención, sensibilización e identificación da violencia machista e tratamento integral das persoas en situación de violencia de xénero.

As bases e criterios de valoración están publicados no BOP do venres 18 de decembro e a convocatoria cos prazos de presentación no deste 29 de xaneiro.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.