17° Ribeira Sacra Festival confirma a súa quinta edición e lanza os primeiros abonos

17° Ribeira Sacra Festival confirma que volverá en 2021, un ano moi especial para o festival, que celebra a súa quinta edición, e para o territorio, coa resolución da candidatura a Patrimonio da Humanidade

17° Ribeira Sacra Festival é unha cita anual na que música, patrimonio, paisaxe, gastronomía e viño únense para crear unha experiencia única para o público. En 2020 o festival foi recoñecido como o “Best Small Festival” de toda España polos Iberian Festival Awards. Un recoñecemento inédito para un proxecto tan novo que reafirma a súa importancia en todo o territorio, así como a súa proxección nacional e internacional.

A pasada edición de 17° Ribeira Sacra Festival foi, sen dúbida, a máis difícil e especial ata a data, dada a situación sanitaria, e na que se cumpriron todas as expectativas. 17° Ribeira Sacra Festival conseguiu unir grandes propostas musicais e actividades nun evento que, a pesar do seu formato reducido e medidas de seguridade, nunca perdeu a sensación de festival.

En cada un dos seus espazos (adegas, miradoiros, un catamarán con música en directo…) o festival ofrece a oportunidade de vivir a Ribeira Sacra dunha maneira diferente. Experiencias extraordinarias que fan que 17º Ribeira Sacra Festival forme parte de Momentos Alhambra, que nace da paixón da cervexeira pola música e polo descubrimento de creacións auténticas feitas para gozar cos cinco sentidos.

A través das súas diferentes edicións, 17º Ribeira Sacra Festival quixo reinterpretar a personalidade do territorio a través de figuras nacionais e internacionais da música, a cultura, o viño, a gastronomía, o patrimonio… todos eles embaixadores da mensaxe do festival dentro e fóra das nosas fronteiras.

En 2021, 17º Ribeira Sacra Festival, que volverá a contar co patrocinio de Cervezas Alhambra, celebrará a súa quinta edición do 16 ao 18 de xullo.

INFORMACIÓN SOBRE OS ABONOS:
Primeiro tramo abonos 17° 2021
Promo 5º Aniversario: 48 € + g.g.
Á venda desde hoxe luns 4 de xaneiro de 2021.
Abonos limitados.
Disponibles en Ataquilla.com.

Foto portada: Javier Rosa

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.