Publicada a listaxe de persoas solicitantes e requeridas do BonoTaxi en A Coruña

A concelleira de Benestar Social, Yoya Neira, destacou “o compromiso do Goberno local en publicar a lista definitiva o antes posible para que as persoas beneficiarias destas axudas poidan empregar os bonos a maior cantidade de meses posible”

O Concello de A Coruña, a través da Área de Benestar Social, publica a listaxe de persoas solicitantes e requiridas da convocatoria de axudas para o transporte en taxi, o BonoTaxi 2021, que se pode consultar no portal web municipal.

A concelleira de Benestar Social, Igualdade e Participación, Yoya Neira, destacou “o compromiso do Goberno local en publicar a lista definitiva o antes posible para que as persoas beneficiarias destas axudas poidan empregar os bonos a maior cantidade de meses posible”. Por iso, “a convoctaria fíxose pública o 27 de novembro, a data máis temprana dos últimos anos, cumprindo así unha vella demanda das persoas usuarias”.

O prazo para presentar a documentación requirida remata o 19 de febreiro de 2021. As persoas interesadas solicitantes que non emenden a solicitude ou presenten a documentación preceptiva no prazo establecido, entenderase que desisten da súa solicitude.

No documento que se atopa na web municipal pódese consultar a listaxe de persoas solicitantes coa indicación do resultado do proceso de verificación de cumprimento dos requisitos nesta convocatoria, e a relación de persoas solicitantes requiridas no procedemento de Axúdalas BonoTaxi 2021.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.