Ana Lamas destaca “o importante papel da Cruz Vermella” na loita contra a pandemia

A deputada de Benestar Social reuniuse coa presidenta provincial da entidade, Mercedes Casanova para explorar novas vías de colaboración

A deputada responsable da área de Benestar Social da Deputación da Coruña, Ana Lamas, reuniuse na sede da institución provincial coa presidenta provincial da Cruz Vermella, Mercedes Casanova.

Na reunión, Lamas e Casanova abordaron o importante traballo que desenvolve a entidade e os retos que atravesan ante a situación provocada pola Covid-19 no eido sanitario, social e laboral, e acordaron explorar novas iniciativas nas que traballar conxuntamente para axudar a paliar os efectos da pandemia entre os colectivos máis desfavorecidos.

Ana Lamas destacou e agradeceu “o importante papel da Cruz Vermella, a organización humanitaria máis grande do mundo, na loita contra os efectos que a pandemia está a ocasionar entre os colectivos máis vulnerables”.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.