Adxudicada a mellora da seguridade na DP-0513 de Pontemuíños a Caión, que conecta Arteixo e A Laracha

As tarefas permitirán renovar o pavimento da plataforma, que sorporta un elevado tráfico de vehículos pesados debido á súa proximidade a unha canteira

A Deputación da Coruña adxudica por 201.964,73 euros a pavimentación da estrada provincial DP-0513 de Pontemuiños a Caión por Paiosaco, que conecta os municipios de Arteixo e A Laracha.

O deputado responsable da área de Vías e Obras, José Manuel Pequeño, afirmou que as obras comezarán de inmediato e permitirán mellorar a seguridade nesta vía, que conta cun elevado tráfico de vehículos pesados debido á súa proximidade a unha canteira.

Os traballos realizaranse entre os puntos quilométricos 1+490 e 4+740, onde se levará a cabo o fresado e reposición das zonas deterioradas e de entronque con outras vías ou entradas a parcelas e o extendido dunha capa de mestura bituminosa en quente.

O proxecto inclúe tamén a limpeza e desbroce de arcéns e cunetas, a renovación da sinalización horizontal e o reforzo da vertical, con sinais de limitación de velocidade, paso estreito e intersección con prioridade.

Ao longo do período de execución do proxecto (tres meses) manterase o tráfico rodado na vía, que sempre contará cun carril habilitado para os desprazamentos.

A Deputación da Coruña segue a traballar na mellora dos máis de 2.100 quilómetros de viais provinciais a través da realización de obras de mantemento, reparación de firme e pavimentación co obxectivo de adaptar estas vías ao tráfico rodado e peonil de cada zona e mellorar así a seguridade da rede provincial de estradas.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.