Convocada unha nova concentración en Monterroso en contra da privatización do SAF
A CIG convoca unha Concentración en Monterroso para o vindeiro martes 27 de Abril ás 20:30 horas diante da casa do Concello, en contra da decisión do goberno municipal de privatizar o Servizo de Axuda no Fogar. Dita Concentración coincide coa data e hora de celebración do Pleno Municipal onde os grupos da oposición municipal presentan mocións en contra da privatización
“Desde a CIG queremos agardecer aos grupos municipais da oposición o apoio en contra da decisión do goberno municipal de privatización do servizo” declaran dende o sindicato.
Por outra banda, e diante dunha nota publicada nun medio escrito da provincia esta semana, onde o Concello acusaba á CIG de manipulación sindical pola entrega de sinaturas, “desde a CIG reafirmamonos en que se recolleron e entregaron no Concello mais de 1900 sinaturas, sendo certo que existen sinaturas de persoas doutros concellos, maioritariamente da contorna de Monterroso, e que as sinaturas de persoas de Monterroso superan moito o dato que deu o Concello, posto que superan o millar”.
“Por moito que desde o goberno municipal intenten maquear estadísticas, a oposición á ptivatización do SAF entre a poboación de Monterroso é clara e manifesta, e a ilexitimidade en termos democráticos da mesma tamén, posto que só o PP, levaba no programa electoral a privatización do servizo”.
“Pobres son os argumentos do goberno municipal cando se teñen que refuxiar en que este servizo está privatizado en moitos concellos, sendo certo esto, mais sendo indiscutible a precariedade laboral existente neste colectivo, cunhas condicións salariais e laborais de absoluta precariedade, froito consecuencia da xestión dun servizo público de atención ás persoas xestionado por empresas privadas. Xustamente, o feito de que sexa un servizo privatizado nun importante número de concellos é o que nos amosa o erro deste modelo de xestión privatizado en termos laborais e de calidade do servizo”.
Desde a CIG continuan a manifestar o “absoluto rexeitamento” a esta medida do goberno municipal, e continuaran as mobilizacions en contra da mesma, “porque defendemos os servizos públicos, e defendemos que os servizos de4 atención ás persoas non poden estar xestionado nunha lóxica comercial de beneficio empresarial”.
