Falece un home ao sufrir un corte cunha motoserra en Cangas

O home faleceu este mediodía na parroquia de Aldán despois de sufrir un corte coa motoserra que manexaba

O suceso tivo lugar na parroquia canguesa de Aldán onde o home realizaba traballos dentro da súa propiedade coa máquina.

Próximo ás doce do mediodía, os xestores do 112 Galicia recibiron a chamada de alerta dun familiar do varón que solicitaba asistencia médica urxente para o ferido. Así, de inmediato, desde o 112 solicitouse a intervención do persoal de Urxencias Sanitarias de Galicia-061 que, pese aos esforzos, nada puido facer por salvarlle a vida.

Co fin de aclarar as circunstancias do suceso, desde o Centro Integrado de Atención ás Emerxencias (CIAE) 112 Galicia púxose a situación en coñecemento dos axentes da Garda Civil e Policía Local. Ademais, pasouse aviso aos Bombeiros do Morrazo e aos membros de Protección Civil da localidade.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.