Gómez Reino: «A connivencia de Feijóo con Ence pon en risco a saúde»

Unidas Podemos insta ao Ministerio de Transición Ecolóxica a intervir axiña para determinar as responsabilidades dos verquidos tóxicos

“A intricada connivencia da Xunta do PP de Feijóo con Ence está a pór en risco severo a saúde das galegas e dos galegos”.

Con esta contundencia, o deputado Antón Gómez Reino denunciaba hoxe no Congreso as verteduras tóxicas por mercurio á ría de Pontevedra e instaba ao Goberno a intervir con urxencia para esclarecer os feitos e determinar as responsabilidades por este grave episodio ambiental na ría de Pontevedra que tería efectos graves sobre a sáude de veciñas e traballadores.

O grupo confederal Unidas Podemos-En Comú Podem-Galicia en Común vén de rexistrar hoxe una iniciativa parlamentar para instar ao Ministerio para a Transición Ecolóxica a intervir de inmediato no esclarecemento dos feitos a fin de determinar as responsabilidades tanto da Xunta de Galicia como de Ence nos verquidos.

No escrito, instamos as Administracións a tomar medidas urxentes tanto para conter as verteduras tóxicas como para minimizar a súa afección sobre a ría de Pontevedra, logo de coñecer o acontecido a través da súa publicación en eldiario.es, con repercusión incertas sobre a saúde das veciñas e veciños, o propio cadro de persoal da factoría de Ence e sobre o ecosistema marino da ría e a calidade das súas augas a presente e futuro”.

Segundo recolle a publicación, a concentración de mercurio das mostras era superior aos 20 mg/kg establecidos no Decreto 60/2009. Unha información da que a Xunta tería coñecemento hai máis de dous anos e que non foi posta en coñecemento público e non se adoptaron as medidas que procedían.

«Os verquidos tóxicos de ELNOSA son responsabilidade de ENCE», sinala Gómez Reino. «Ence foi quen a deseñou e utilizou durante anos a súa actividade productiva. Feijóo, unha vez máis, antepón os intereses privados dunha empresa por riiba da protección ambiental e a saúde dos galegos e galegas», lamentou o deputado galego.

Desde Unidas Podemos lembran que “Ence xa foi condenada por delitos ambientais e que as informacións sobre posibles irregularidades na empresa son tristemente recurrentes polo que agardamos que a Xunta actúe no exercizo das súas responsabilidades para evitar que teñamos que lamentarnos”.

“Asemade, queremos pór en valor o traballo arreo da sociedade civil, organizacións de veciños e colectivos ecoloxistas, que levan anos e anos denunciando o severo impacto ambiental da planta de ENCE na ría do Lérez. Unha denuncias reiteradas que os sucesivos gobernos do PP ignoraron e mesmo ocultaron amosando unha total complicidade cos desmáns de Ence na ría”.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.