Pablo Arangüena. “Veñen por diante tempos moi difíciles e a Xunta ten que poñerse as pilas na Coruña”

Non pode ser que, ante a maior crise das nosas vidas, a área económica máis dinámica de Galicia non teña o apoio firme e compromiso decidido da administración autonómica galega, e desde o PSdeG imos pedirllo as veces que faga falta ata que cambien de actitude porque o que é bo para a Coruña e a súa comarca é bo para Galicia. Porque sementar na Coruña é recoller en Galicia” dixo o voceiro do PSdeG.

Pablo Arangüena sinalou que hai un par de días el mesmo defendeu na Comisión de Industria do Parlamento de Galicia unha proposición non de lei para que a Xunta lidere un plan de choque para a reactivación económica da Coruña que foi rexeitada porque según o PP quen ten que afrontar a reactivación son os concellos. “O cal non é certo porque a competencia de política económica e industrial en Galicia é exclusiva da Xunta de Galicia e, por tanto, a Xunta ten que liderar a reactivación, abandonar o escapismo e buscar proxectos que opten aos fondos NEXT GENERATION na comarca da Coruña para liderar un plan de choque para a reactivación económica.”

O deputado socialista resaltou que A Coruña sufriu xa na gran Recesión e que perdeu non só o seu sector financieiro (o Banco Galego , Banco Pastor, Caixa Galicia) senon grandes empresas como Fadesa, Caramelo e máis recentemente ISOWAT, Isidro de la Cal, e está padecendo a deslocalización de outras grandes empresas como R ou Naturgy.

APOIAR Á CORUÑA E DEIXAR O ESCAPISMO

Arangüena citou o informe que publicou a Cámara de comercio da Coruña a mediados do ano pasado, que fala da perda de 16.000 postos de traballo e de 5.700 millóns de facturación na área da Coruña e que está feito incluso antes de coñecer a segunda e terceira onda da pandemia.

“Por iso pedímoslle á Xunta de Galicia que deixe o escapismo, que cumpla coas súas responsabilidades e exerza as súas competencias, que apoie á Coruña e que desenvolva un plan de choque para a reactivación” e insistiu en que “apoiar á Coruña e apoiar a Galicia. Investir na Coruña é investir en Galicia.”

Sinalou que onte mesmo o secretario xeral dos socialistas galegos, Gonzalo Caballero estivo en Carballo con representantes do PSdeG da comarca de Bergantiños e da Costa da Morte para pedir que a Xunta rebaixe as peaxes da autopista A Coruña-Carballo. “Está ben que a Xunta lle pida ao Estado, o que xa o Estado vai facer, que é rebaixar a peaxe da AP9, pero a Xunta ten que facer o propio e teñen que deixar de predicar e comezar a dar trigo. O Sr. Feijóo ten que deixar de ser un turista accidental na Coruña, deixar os paseos e as fotos e pasar os feitos e os compromisos.”

DIEGO TAIBO

O deputado no Congreso Diego Taibo destacou o compromiso do Ministerio de Transportes co tren a Punta Langosteira dando solución así ao enlace ferroviario ao Porto exterior que se vai materializar nestes días nas negociacións que se están mantendo co Concello e a Xunta de Galicia. Un investimento que ascende a 140 millóns de euros que se vai resolver con cargo aos fondeos NEXT GENERATION da Unión Europea.

Taibo destacou as xestións de Gonzalo Caballero con Madrid para poder aclarar e desatascar esa situación, e a implicación da alcaldesa, Inés Rey, para poder impulsar un proxecto estratéxico para a cidade e a comarca como é o Porto Exterior, que vai permitir liberar a fachada marítima e abrir ese espazo para a cidadanía.

O deputado socialista no Congreso aproveitou para sinalar o carácter progresista e o avance que implica a aprobación da Lei de Cambio Climático, que non só vai contribuir a protexer o medio ambiente senón tamén a xerar postos de traballo con novos nichos de emprego. “Unha lei que pon a primeira pedra para facer do noso país un lugar mellor para vivir e para deixar ás seguintes xeracións, e que vai suponer grandes transformacións tecnolóxicas” sinalou Taibo.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.