O BNG leva ao Pleno unha moción para atender as necesidades de Novo Mesoiro

“Un barrio con forte identidade de seu, mais tamén con conciencia de non ser tido en conta por parte do concello”

3.000 vivendas, 7.500 persoas censadas. Ese é Novo Mesoiro. “Un barrio que ao longo destes anos demostrou un enorme dinamismo e un forte sentimento de identidade. Mais é tamén un barrio cunha clara conciencia, a de que os súas demandas e problemas non son tidas suficientemente en conta por parte do Concello”, entende Francisco Jorquera. O portavoz do BNG defenderá no Pleno deste vindeiro xoves unha moción coas demandas e problemas que lle trasladaron á formación nacionalista veciñas e veciños de Novo Mesoiro.

“Como todos os barrios de recente creación, en Novo Mesoiro a ocupación de vivendas foi por diante moitas veces da dotación dos equipamentos necesarios para humanizar o barrio e garantir o benestar da veciñanza”, apunta Jorquera.

Ao ser un barrio periférico, Novo Mesoiro ten problemas obvios de mobilidade e conectividade sobre os cales esta moción se debruza, con propostas como a conexión a través de bus urbano con Someso, campus de Elviña, CHUAC e Hospital Materno Infantil, ben por medio dunha liña “que conecte directamente estes puntos ou procurando solucións que faciliten as interconexións para chegar a estes lugares, no marco da revisión da liña de buses”.

Novo Mesoiro ten un poboación nova en media de idade, o que cría tamén necesidades específicas relativas ás crianzas e á mocidade e dá pé a problemas de conciliación que deben ser atendidos e a tal efecto o BNG propón a ampliación das prazas da Escola Infantil Municipal A Caracola.

A ampliación do centro cívico, a dotación de infraestruturas na próxima obra do Corredor –entre as rúas Fragas do Eume e Ribeira Sacra-, dar cumprimento ao acordo de redacción dun estudo para a creación dunha Biblioteca Pública, a adopción de medidas para o calmado do tránsito e para pór fin ás carreiras ilegais que se realizan no Polígono de Vío son algunhas das propostas que figuran nesta moción do BNG.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.