Solicitan amparo á Valedora do Pobo para protexer niño de cegoñas en Ourense

As organizacións Amigas das Cegoñas e Ecoloxistas en Acción solicitan aá valedora do pobo a intermediar para salvar os niños de cegoñas en perigo na cidade de Ourense

Neste ano 2021, aniñaron tres parellas de Cegoña branca no concello de Ourense. Ubicaron os seus niños sobre o contrapeso de tres guindastres en funcionamento en tres obras diferentes da cidade. Unha das obras máis polémicas, onde a empresa COPASA non mostrou colaboración algunha, está facendo as obras do Museo Arqueolóxico de Ourense.

Amigos das Cegoñas xunto a Ecoloxistas en Acción deron conta ás distintas administracións informando á Consellería de Medio Ambiente mediante rexistro. Falaron cos responsables de goberno do concello de Ourense e inclusos comunicáronse co Ministerios de Cultura e Deporte e Transición Ecolóxica.

Denuncian que a pesar de todas estas conversas se sigue poñendo en perigo a integridade dos aniñamentos e  incumprindose a Directiva Europea de Aves Directiva 2009/147/CE e a Lei 42/2007, do Patrimonio Natural e da Biodiversidade, que establecen a protección da Cegoña branca, aos seus pitos e niños, e lembraban, ademais, que tras a última modificación do Código Penal, «realizar actividades que impidan ou dificulten a reprodución dunha especie protexida», como é o caso da cegoña branca, pode ser considerado delito.

Piden á valedora do pobo que intermedie coa Consellería de Medio Ambiente para que esta orden que os guindastres queden sen actividade nin movemento algún, ata o voo natural dos pitos de cegoña que sería aos 70 días máis ou menos do nacemento destes  que data de 1 de maio aprox. Tamén solicitan que unha vez terminada a época de cría, as administarción busquen ubicacións alternativa para recolocar os niños nun lugar seguro e así esta situación non se volva repetir nas próximas tempadas.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.