Xadrez no Camiño inicia a súa andaina no CEIP Paradai

A iniciativa, enmarcada no programa O teu Xacobeo da Xunta de Galicia, busca achegar aos mozos de Lugo os beneficios deste deporte  

A Asociación Cultural  Xaquedrum organiza  Xadrez non  Camiño, un proxecto que forma parte do programa O teu XacobeoXunta de Galicia, e co que se pretende fomentar o xadrez na provincial de Lugo.

No marco desta iniciativa, una das actividades será a de achegar o xadrez a cinco cidades da provincial de Lugo, a través de xornadas en diferentes centros escolares durante o horario lectivo.

A través destas xornadas o proxecto Xadrez no Camiño chegará a máis de 300 escolares lucenses, comezando, desta volta, con máis de sesenta alumnos e alumnas de primeiro e segundo de educación infantil do CEIP Paradai, que poderán gozar o 3 e 4 de xuño da iniciativa durante o horario lectivo. Dunha forma lúdica e didáctica a entidade dará a coñecer aos escolares os fundamentos básicos do xadrez.

Os escolares participantes nesta iniciativa que conta coa colaboración do grupo El Progreso, el Círculo de las Artes, Concello de Lugo, Concello de Palas de Rei e Excma Deputación de Lugo, recibirán camisetas e material didáctico, para que poidan seguir aprendendo. Así mesmo, os centros educativos recibirán material deportivo para que os alumnos poidan practicar esta actividade deportiva.

Beneficios do xadrez

O xadrez é un deporte que estimula o enorme valor educativo de saber gañar e perder e que a motivación aparece de forma case espontánea. O xogo desenvolve a axilidade mental e mellora as habilidades psico-sociais como a concentración, a intuición, a creatividade, a capacidade de síntese e a memoria.

Cómpre destacar que o xadrez foi recomendado como materia nos plans de estudos da Educación Primaria e Secundaria pola UNESCO e polo Parlamento Europeo, Español e Galego.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.