A asociación AGL estrea web para informar ás persoas que buscan respostas sobre a súa enfermidade

Este portal confórmase como unha ferramenta que proporciona información clara, accesible e contrastada cientificamente sobre Linfedema, Lipedema, Insuficiencia Venosa Crónica e outras patoloxías vasculares periféricas

Froito de moito esforzo e dedicación, a Asociación Galega de Linfedema (AGL) acaba de lanzar a súa páxina web, que poderá axudar a moitas persoas na procura de respostas sobre a súa enfermidade, dado que conta con información clara, accesible e contrastada cientificamente.

Son moitas as persoas que a día de hoxe empregan internet para buscar información sobre a súa afección, e por iso afirman dende AGL “queremos poñer á vosa disposición esta ferramenta, tan demandada por todas e todos vos, que proporciona a información sobre Linfedema, Lipedema e Insuficiencia Venosa Crónica de forma accesible e próxima”.

Presenta unha estrutura de navegación simple e organizada, cun menú cunha distribución doada e intuitiva que facilita o acceso á información. Ofrece contidos de actualidade relevantes para a persoa usuaria, quen poderá saber máis da súa enfermidade, coñecer a profesionais cos que poder contactar así como estar ao día da actividade que desenvolve a asociación.

Este portal web foi realizado coa colaboración da empresa Atlantic – it solutions and services que desinteresadamente fixeron realidade esta necesidade de AGL.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.