A Deputación colabora co Banco de Alimentos de Lugo con 10.000€

A Deputación colabora co Banco de Alimentos de Lugo cunha achega económica de 10.000€, que a entidade destinará á merca de ovos para as familias que atende. Esta colaboración da institución provincial materializouse coa sinatura dun convenio entre o Presidente, José Tomé Roca, e a coordinadora do Banco de Alimentos, Amadora Núñez Mera

O  mandatario provincial puxo en valor o labor do Banco de Alimentos e destacou a importancia desta colaboración, pois a maioría dos alimentos que recibe esta entidade son de carácter non perecedoiro e con esta axuda da Deputación poderá comprar ovos, un alimento de gran valor nutritivo.

A Granxa Campomayor, afincada en Palas de Rei, será a que subministre os ovos ao Banco de Alimentos, a un prezo especial de 0,7€ a ducia. O ano pasado a entidade comprou 30.000 ovos, que se repartiron entre as familias máis necesitadas da provincia.

O Banco de Alimentos de Lugo é unha organización sen ánimo de lucro, declarada de utilidade pública, que naceu no ano 1996. Ocupa, actualmente, a 25 voluntarios na provincia e ten como obxectivo obter doazóns de empresas e particulares, excedentes e produtos aptos para o consumo para repartir entre diferentes institucións de axuda social.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.