A Liga Galega de Traiñeiras chega o sábado a Mera

Este sábado día 17 de xullo celébrase en Mera a VIII Bandeira Baía de Mera. Trátase dunha regata puntuable para a máxima categoría, na que participan 12 equipos, que dará comezo ás 17:30 horas e que poderá seguirse desde toda a baía meracha.

A regata dispútase na modalidade clásica de 4 longos e 3 ceavogas. Haberá tres quendas; na primeira remarán Perillo, Muros, Esteiro e Rianxo; na segunda Vilaxoán, Puebla, Cesante e Mera e na manga de honra Mecos, Cabo de Cruz, Bueu e Meira.

Polo visto ata o de agora, despois das 4 primeiras regatas, os equipos de Bueu e Meira parten como principais favoritos para facerse coa vitoria. Tamén terá algunha opción a tripulación local que chega a esta cita nun grande momento de forma, ocupando a quinta praza da clasificación xeral a tan só 3 puntos da terceira posición. O equipo que adestra David Fernández, coa motivación extra que supón remar na casa, agarda poder completar unha boa actuación que lle permita mellorar posición na xeral da Liga.

O Concello de Oleiros subvenciona esta regata con 5.400 euros, para axudar ao Centro Deportivo Mariñeiro de Mera a sufragar os premios económicos establecidos pola Liga Galega.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.