Un piano flotante e un espectáculo único chegan ao Lago de Castiñeiras de Marín

Le pianO du Lac chega a Marín os días 27, 28 e 29 de xullo ás 20.00 horas

O verán segue en Marín con apostas tan interesantes e innovadoras como a de Le pianO du lac, un espectáculo en coproducción coa compañía asturiana La Xata la Rifa, que traerá a música ata o Lago Castiñeiras.

A concelleira de Cultura, Beatriz Rodríguez, presentou esta mañá esta oferta cultural, que fusiona teatro, música e danza e espazos naturais. Será os días 27, 28 e 29 de xullo no Lago, ás 20.00 horas.

A compañía chega a Marín despois de realizar en 2020 catro xiras con con catro espectáculos flotantes en Francia e España, que supuxeron un gran éxito de público.

Nesta ocasión, “El pedalOpiano” descansa sobre dous flotadores catamaranes blancos, ciclopropulsados con dúas rodas-paletas, sobre o que actúan artistas da Bretaña, Asturias, París… Trátase, en palabras da compañía, “dunha viaxe de estilos acompañado por unha cautivadora tripulación que interpreta tradición, vangarda, chanson française, músicas do mundo…”.

A visita a Marín está dentro da xira Xacobea “El Camino del agua” e suporá hora e cuarto de concerto estes tres días a cargo da pianista Violette Prevost, a multiinstrumentista Solenne Garnier, o trompetista Damien Bajard e a bailarina Mónica Cofiño.

Entradas

Para poder acudir ao espectáculo é preciso adquirir entrada online. A entrada ten un prezo voluntario, aínda que se aconsella de 10 euros. É preciso acudir cun kit de confort, cadeira pequena ou coxín.

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.