A Volta Ciclista a España pasa este próximo sábado por Tui

Prevese a chegada do pelotón entorno ás 14.20 h

A Volta Ciclista a España pasará este sábado, 4 de setembro polas rúas do centro urbano de Tui. Será a 20ª etapa que sairá dende Sanxenxo e terá a liña de meta no Castro de Herville en Mos, tras un percorrido de 202,2 quilómetros.

A partir das 13.10 h prevese o pase da caravana publicitaria que acompaña cada etapa, e agárdase que o pelotón poida estar nas rúas tudenses ás 14.20 h.

Debido ao paso da Volta Ciclista a España o sábado, dende ás 7 h, non se poderá estacionar nas rúas Irmáns Maristas, Ourense, Martínez Padín, e na Avenida de Portugal até o cruzamento coa N-551. Nesta zona os contedores serán trasladados puntualmente ás beirarrúas nesta xornada.

Deste xeito Tui volverá ver pasar a serpe multicolor da Volta Ciclista a España este sábado ao mediodía.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.