Apróbase a construcción dun SkatePark en Viveiro, con axitación da alcaldesa

O BNG de Viveiro levou para o seu debate en pleno a demanda histórica da construción dun SkatePark en Viveiro

A moción defendida pola concelleira Míriam Bermúdez, propoñía contar cunha empresa especializada para a construción do mesmo e a ser posíbel, considerar para a súa ubicación algunha das zonas máis demandadas pola veciñanza, como son a zona de Lodeiro e a zona verde fronte á piscina municipal.

A alcaldesa, quen ocultou en todo momento a recollida de 1200 sinaturas realizada en 2017, recoñeceu no pleno que si lle foran entregadas e xustificou a súa falta de implicación dicindo que «non se construiu o skatepark porque os comezos son complicados». María Loureiro leva desde 2011 na alcaldía, primeiro como tenenta de alcalde e desde 2013 como alcaldesa, polo que no BNG non sabemos canto tempo máis é necesario para que colla rodaxe despois de 10 anos no goberno municipal.

Molesta coa proposta, María Loureiro tamén culpou ao BNG de non estar do lado do goberno á hora de aprobar os orzamentos. «María Loureiro e Bernardo Fraga, o cogoberno de Viveiro, apareceu dun día para outro en prensa anunciando a aprobación dos orzamentos municipais. Mais parece ser que a culpa da falta presupostaria é da concelleira do BNG» ironizou Míriam Bermúdez. A concelleira nacionalista aproveitou para denunciar este «conveniente acordo pechado chamado orzamentos municipais», como xa fixo no seu día: «leváronse a pleno uns orzamentos pechados de PSOE con POR VIVEIRO, sen convocar en ningún momento ao BNG para a redacción ou modificación dos mesmos. O BNG tan só puido expresar a súa valoración no mesmo pleno ao que se levaron para a súa aprobación, onde tampouco foron escoitadas estas demandas e modificacións.» Míriam Bermúdez rematou dicindo con ironía: «Viveiro é o primeiro concello do mundo onde as cousas non se fan porque unha concelleira da oposición vota en contra dos orzamentos, e non por culpa goberno.»

A moción saiu aprobada por unanimidade tras María Loureiro verse presionada, quen declarou que se fará a construcción cando o goberno o decida e non cando o BNG o diga, como se esta infraestrutura non fose xa con retraso cando varios concellos da Mariña levan anos desfruntando delas. Míriam Bermúdez, consciente da falta de palabra e compromiso da alcaldía, envia unha mensaxe de esperanza dicindo que non se de ningunha batalla por perdida, «no BNG estaremos espectantes e insistiremos as veces que faga falla até que se cumplan os acordos plenarios».

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.