Diana Sieira estrea a súa obra “The Witch” este venres no Fórum Metropolitano de A Coruña

A actriz de Boiro, afincada en A Coruña, ten experiencia como monologuista, presentadora de TV (Luar) e noutras obras teatrais. Esta é a súa primeira creación propia. A obra comeza ás 20:30 horas e as entradas, como o nome do ciclo indica, non están numeradas. O prezo das entradas é de 9€ para o público en xeral e de 7€ para desempregados, estudantes e xubilados

The Witch cóntanos a historia dunha das miles de mulleres acusadas por bruxería na Idade Media. A través dunha dramaturxia fragmentada veremos á actriz que nos relata desde a comedia e a farsa a historia da caza de bruxas; á menciñeira ocupadaentre plantas e ungüentos; e á muller encarcerada que se enfronta a un xuízo do que non sabe como sairá parada.

Mentres, o público, a modo de xogo, realiza pequenos rituales desde a súa butaca. Para cando chegue o final poderá responder: ¿Queremos queimar á bruxa ou desexamos a súa liberación?

A equipa artística e técnica que fan posible a obra é fundamental para esta obra que pretende ser un ritual para os espectadores.

FICHA ARTÍSTICA

Diana Sieira – Creación e interpretación

Manuel Lourenzo e Marita Martínez. – Voces en off

Natalia Pajarito – Asistencia de dirección

Germán Gundín – Iluminación / Técnico en xira

Isa Vila – Videocreación e gráfica

Ezra Moreno – Escenografía

Anahí Taraburelli – Vestiario

Nacho Martín – Espazo sonoro

Iván Castro – Foto

Dezdedez – Contratación e xestión