Valentín González Formoso aposta por un PSdeG ‘con espírito gañador, que volva a ser o vehículo das ilusións dos galegos e as galegas»

Un PSdeG «con espírito gañador, que volva a ser o vehículo das ilusións dos galegos e as galegas» é a firme aposta do proxecto que encabeza Valentín González Formoso para a Secretaría Xeral do partido, referendada nos encontros que está a manter coa militancia do país «no escaso tempo de marxe que nos dan» e nos que está a percibir «a clara empatía polo noso modelo, que comparten as preocupacións que estamos poñendo enriba da mesa e que as propostas que facemos ilusionan».

Formoso, que fai un balance «moi positivo» do que vai de campaña, quixo facer tamén un chamamento á «participación masiva» nas Primarias do próximo día 30 de outubro para «recuperar, entre todos, a ilusión e a esperanza no partido e poñer o mellor de nós, do talento que agroma no PSdeG, ao servizo de Galicia».

 «Nos encontros coa militancia percibimos a clara empatía polo noso proxecto, que comparten as preocupacións que estamos poñendo enriba da mesa e que as propostas que facemos ilusionan»

Neste sentido, unha das propostas que o candidato á Secretaria Xeral do PSdeG inclúe nas súas dez medidas para sumar e avanzar é o compromiso de que elaborará unha Carta de Servizos á Cidadanía a implementar na Xunta de Galicia cando o PSdeG goberne, e que previamente se presentará no Parlamento de Galicia. Ademáis, porá en marcha unha Mesa de Análise para elaborar unha proposta sobre o ‘Novo modelo de financiación autonómica’, que deberá ter como eixo vertebrador da mesma a defensa dos intereses de Galicia no marco do diálogo co goberno de España.

 

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.