Novo vehículo para a Policía Local da Laracha

A Policía Local da Laracha dispón desde hoxe dun novo vehículo que foi adquirido, en propiedade, polo Concello coa colaboración económica da Vicepresidencia Primeira e Consellería de Presidencia, Xustiza e Turismo da Xunta de Galicia con cargo á liña de subvencións do Fondo de Compensación Ambiental.

O automóbil foi entregado por parte do responsable do concesionario Breogán Motor S.L. ao alcalde, José Manuel López Varela, e ao xefe da Policía Local, Víctor Vilanova. Trátase dun Toyota RAV4 híbrido que xa forma parte da flota do corpo de seguridade municipal para aumentar os seus medios técnicos e de mobilidade para poder prestar un mellor e máis rápido servizo á cidadanía coa máxima eficiencia enerxética e a menor emisión contaminante posible.

Nos próximos días incorporarase outro vehículo de similares características ao parque móbil da Policía Local, neste caso mediante o sistema renting. O Concello concluíu recentemente o procedemento de contratación.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.