Renovada a pavimentación da contorna da catedral de Lugo

Os traballos consisten na renovación do empedrado da zona, que se atopaba nun avanzado estado de deterioro

O Tenente Alcalde de Lugo e responsábel da área de Mobilidade e Infraestruturas, Rubén Arroxo, informou dos traballos que se están a realizar na contorna da catedral, de cara a mellorar a pavimentación da zona. «Trátase dunha pequena intervención que nos vai permitir mellorar a imaxe dunha zona moi concorrida do centro da cidade cuxo pavimento estaba xa moi desgastado», explicou Rubén Arroxo.

Os traballos a realizar consisten na renovación do empedrado da zona, que se atopaba nun avanzado estado de deterioro e mostraba baldosas rotas e afundidas. Desde a área de Mobilidade e Infraestruturas planificáronse os traballos buscando reducir ao máximo as molestias á veciñanza garantindo o paso pola zona.

O Tenente Alcalde explicou que «desde o Goberno de Lugo seguimos a traballar para mellorar os espazos públicos con este tipo de pequenas actuacións, que non supoñen un grande custo para o concello, e que benefician a toda a veciñanza e ás persoas que nos visitan».

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.