“A lúa vai encuberta”, gañadora do Certame Manuel María de Proxectos Teatrais, chega a Foz

Coa colaboración da Concellería de Mocidade de Foz, a Vicepresidencia da Deputación de Lugo programa na localidade mariñá a representación de  “A lúa vai encuberta”, obra gañadora do II Certame Manuel María de Proxectos Teatrais. A Sala Bahía acollerá a función o mércores 22 ás 20.30 horas, a primeira na comarca da Mariña desta montaxe das compañías Incendiaria e A Quinta do Cuadrante, que está a percorrer Galiza  cunha boa acollida por parte do público

A produción, dirixida por Tito Asorey, leva a escena a obra dramática de Manuel María, “A lúa vai encoberta”, editada en 1992, que repasa os acontecementos que marcaron a historia de Galiza no século XX.  A montaxe de Incendiaria e A Quinta do Cuadrante parte dese texto, e da mirada coa que Manuel María selecciona e ordena as pasaxes, e dialoga coa posición política do autor para trasladar á sociedade un debate necesario sobre a nosa historia contemporánea.

Coa programación de funcións en diferentes localidades, a Vicepresidencia da Deputación de Lugo colabora co Certame de Proxectos Teatrais, unha convocatoria bianual da Casa Museo Manuel María.  Nas últimas semanas, a obra puido verse en Sarria, Chantada e Lugo.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.