O BNG en Vilalba presenta a campaña “Mellor Local, Mellor Galego” en apoio ao comercio local

O BNG desenvolveu un reparto polo comercio de Vilalba para achegar as propostas e a aposta polo comercio de proximidade nestas datas como no resto do ano

O Bloque Nacionalista Galego en Vilalba presentou a campaña «Mellor Local, Mellor Galego; Aposta polo noso» en apoio ao comercio de proximidade. Esta dinámica conforma unha forma responsábel de consumo, que dinamiza a economía local e respectuosa co medio ambiente.

Por isto, o BNG animou nun reparto de información polas rúas de Vilalba a mercar e desfrutar dos produtos galegos nestas datas de Nadal, e de igual modo no resto do ano.

A deputada por Lugo no Parlamento galego, Olalla Rodil, participou neste acto xunto con membros do BNG en Vilalba no que destacou a importancia de defender o comercio tradicional «as tendas de barrio que conteñen produtos de aquí son garantía da calidade que produce este País».

Neste senso, Olalla Rodil declarou «desde o BNG queremos unha lei que defenda o pequeno e mediano comercio galego, axudándoo en novas canles de distribución dos produtos galegos e así crear emprego e riqueza».

De igual xeito, a responsábel local do BNG en Vilalba, Pilar Prieto, sinalou a importancia do comercio de proximidade «en Vilalba o comercio de proximidade é fundamental, garanten a vida da nosa vila como de servizos para todas as parroquias e arredores, ademais de amosar o gran potencial que posúen os produtos da nosa comarca».

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.