O CIFP A Xunqueira acolle unhas xornadas sobre as Perspectivas da Nova Formación Profesional

O Centro Integrado de Formación Profesional (CIFP) A Xunqueira de Pontevedra acollerá o venres 10 e o sábado 11 de decembro unhas xornadas formativas gratuítas organizadas por UGT Ensino baixo o título de Perspectivas da Nova Formación Profesional

A formación terá carácter presencial e unha duración de dez horas, homologadas pola Consellería de Educación e válidas para sexenios, traslados ou oposicións, e todos aqueles que desexen participar deberán inscribirse previamente a través dos contactos ensino.pontevedra@ugt-sp.ugt.org e 986 85 84 13 (dispoñibles tamén para obter máis información).
O programa das xornadas inaugurase o venres 10 de decembro ás 17:00 horas co acto de presentación da actividade, que dará paso, a partir das 17:30 horas, a unha exposición, conferencia e coloquio sobre ‘A nova FP’ a cargo da secretaria xeral de Formación Profesional, Clara Sanz López, e a unha táboa redonda moderada polo ex director xeral de FP, Antonio Vázquez Vázquez, que analizará o estado actual da FP en Galicia e que terá como relatores ao ex director do CIFP de Santiago, José Manuel Leis Blanco; o director do CIFP Carlos Oroza, Manuel Hermo Piñeiro; o director do IES Montecelo, Miguel Carballa González, e o director do IES Frei Martín Sarmiento, David Alvariño Pérez.
A actividade formativa retomarase o sábado 11 de decembro pola mañá, cunha exposición, debate e coloquio que dará comezo ás 10:00 horas, a cargo do deputado do PSOE por Pontevedra Guillermo Meijón Couselo, membro da Comisión de Educación e voceiro adxunto socialista no Congreso dos Deputados. O seu relatorio versará sobre o desenvolvemento curricular da Lei Orgánica de Modificación da Loe (Lomloe) e o enfoque histórico do ensino.

Deja una respuesta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.